ما هو الفرق بين البيع للشركات والبيع للمستهلك النهائي؟

 ما هو الفرق بين البيع للشركات والبيع للمستهلك النهائي؟
من حيث التسويق الإلكتروني

ليس دائما اعلانات الفيس هي الحل لتحديات المبيعات.

الموضوع ده بيعتمد على طبيعة ومجال عملك وطبيعه الشريحه المستهدفه من العملاء وسلوكهم.

فى هذه المقاله هنتكلم على حالتين بالاخص 

وهم B2B و B2C

B2C تعنى Business to Customer وذلك يعنى انك بتبيع منتجاتك او خدماتك للمستهلك النهائي مباشرتاً زي مثلا بيع الملابس والاحذيه قطاعي للمشتري النهائي وفى الحاله دي هشوف مين العميل بتاعى وسلوكه ايه هلاقى ان العملاء بتوعي هم كل الناس تقريبا من شريحه اجتماعيه معينه وممكن جنس معين او كمان سن معين وموجودين باستمرار على السوشيال ميديا ففى الحاله دي يبقى منطقى انى اعمل حمله التسويق بتاعتى على السوشيال ميديا زي الفيس وانستجرام واتوقع انها هتجيب نتيجه , وطبعا ممكن استخدم محركات البحث كمان لو من سلوك العميل بتاعى انه بيعمل بحث على جوجل عن المنتجات والخدمات بتاعتى

B2B وتعنى Business to Business وذلك يعنى انك بتبيع منتجاتك او خدماتك للشركات مثلا زي لو كنت بتبيع شفاطات صناعيه بتستخدم فى المصانع او اى منتج تانى بتستهلكه المصانع والشركات الاخري , ففى الحاله دي هتلاقى ان بمجرد ما العميل بتاعك يحتاج منتجك او خدمتك مش هيستنى يطلعله علي الفيس هو فى الغالب بيبدا بالموردين المسجلين عنده ثم بسؤال المعارف واذا وصل للبحث على الانترنت بيبحث على جوجل عن شركات موثوق فيها يبقى فى الحاله دي انت محتاج اولا تعمل سابقه اعمال كويسه وتعمل حصر للشركات والمصانع اللى بتستهدفهم وتسجل نفسك عندهم مورد ومحتاج تعمل ويب سايت يظهر شركتك بمظهر لائق ويحتوي على كل المعلومات المناسبه اللى بيحتاجها العميل وبعدين تبدأ تشتغل على انك تظهر على محركات البحث باستخدام الاعلانات المدفوعه وخدمة ال SEO

ومع الوقت تقدر تكبر حجم الاستهداف بتاعك من خلال الويب سايت والسوشيال معاً بحيث ان اعلاناتك على السوشيال تظهر للناس اللى وصلت للويب سايت بتاعك باى طريقه وكمان تظهر اعلاناتك ليهم على الفيديو فى اليوتيوب او مواقع وتطبيقات مختلفه

واخيرا اختصر كل كلامي بانك محتاج كويس تفهم سلوك عميلك وبعدين تشوف اي ادوات التسويق الالكتروني هتكون مفيده بالنسبالك وتضع خطه التسويق المناسبه وبلاش تستسهل وتسترخص وتروح تعمل اعلان على الفيس وفقا لباقه بتعرضها عليك شركة او شخص مخدش وقت حتى انه يدرس عميلك ويفهم هيتعامل معاه ازاي.

في الإتحاد للخدمات التقنيه بنقدر نفهم متطلباتك بسرعه ونلبي إحتياجاتك التسويقيه.

للتواصل:

Mobile: +20-10-0068-6816